माध्यमिक शिक्षा परीक्षा (एसइई)को नतिजा सार्वजनिक भएसँगै एलिक्जर एकेडेमीले उत्कृष्ट नतिजा ल्याएको छ । आफूलाई पुनः एकपटक शैक्षिक उत्कृष्टता प्रमाणित गर्ने क्रममा यो विद्यालयका ३८ जना मध्ये १८ जना विद्यार्थीले ४ जिपिए ल्याउन सफल भएका छन् ।

एसइईमा शतप्रतिशत नजिता ल्याएको विद्यालयका सबै विद्यार्थीहरुले ३.७३ भन्दामाथि जिपिए ल्याउन सफल भएका छन् । यो नतिजाले विद्यालयको शैक्षिक अवस्थालाई स्पष्ट पारेको छ ।

निरन्तर उत्कृष्ट

एलिक्जर एकेडेमीले विं.सं. २०६७ सालदेखि लगातार उत्कृष्ट नतिजा दिँदै आएको छ । विद्यालयका प्रधानाध्यापक (प्रिन्सिपल) रविन दाहालका अनुसार यस सफलताको मुख्य रहस्य विद्यार्थी, अभिभावक र विद्यालयबीचको सहकार्य हो । उनले यसलाई ‘एउटा ओदानका तीन वटा खुट्टा’सँग तुलना गर्दै तीनै पक्षबीचको समझदारी, समन्वय र सक्रिय संलग्नताले विद्यार्थीहरूको सर्वाङ्गीण विकास र उत्कृष्ट नतिजा सम्भव भएको बताए । यो भनाइले शिक्षामा केवल पाठ्यक्रम र परीक्षामा मात्र केन्द्रित नभई, समग्र सिकाइ वातावरण र सम्बन्धहरूको महत्त्वलाई उजागर गर्छ ।

संस्कारसहितको शिक्षामा जोड

एलिक्जर एकेडेमीले ‘संस्कारसहितको शिक्षा’लाई विशेष महत्त्व दिएको छ । यसको अर्थ, विद्यालयले विद्यार्थीलाई शैक्षिक ज्ञानका साथै नैतिक मूल्य मान्यता, सामाजिक चेतना र व्यक्तिगत आचरणको विकासमा पनि जोड दिएको छ ।

प्रिन्सिपल दाहालले उल्लेख गरेजस्तै, स्थापना कालदेखि विद्यार्थीको सर्वाङ्गीण विकासलाई ध्यानमा राखेर गरिने क्रियाकलापले उनीहरूलाई किताबी ज्ञानमा सीमित नगरी व्यावहारिक र जीवनोपयोगी सीप सिकाउन मद्दत गरेको छ । यस प्रकारको शिक्षाले विद्यार्थीलाई भविष्यका चुनौतीको सामना गर्न सक्षम बनाउँछ र समग्र व्यक्तित्व निर्माणमा योगदान पुर्‍याउँछ ।

विगतका सफलता र भावी प्रभाव

एलिक्जर एकेडेमीले यसअघि २०७८ सालको एसइई परीक्षामा काठमाडौं जिल्लामा प्रथम भई काठमाडौं महानगरबाट ‘सर्वोत्कृष्ट विद्यालय पुरस्कार’ प्राप्त गरेको थियो । त्यस्तै, २०८० सालको एसइई परीक्षामा पनि काठमाडौं जिल्ला प्रथम भई प्याब्सन काठमाडौंद्वारा ‘उत्कृष्ट विद्यालय सम्मान २०८०’ले सम्मानित भएको थियो । यी पुरस्कार र सम्मानले विद्यालयको शैक्षिक गुणस्तरको निरन्तरता र यसको प्रभावकारी व्यवस्थापनलाई प्रमाणित गर्छन् ।

वर्तमान एसइई नतिजाले एलिक्जर एकेडेमीले शिक्षाको क्षेत्रमा आफ्नो उच्च मानक कायम राखेको देखाउँछ । यसले अन्य विद्यालयलाई पनि गुणस्तर सुधारका लागि प्रेरणा दिन सक्छ भने अभिभावकका लागि आफ्ना बालबालिकाको उज्ज्वल भविष्यका लागि सही विद्यालय छनोट गर्न महत्त्वपूर्ण आधार प्रदान गर्छ । यस प्रकारको सफलताले नेपालको समग्र शैक्षिक गुणस्तर अभिवृद्धिमा सकारात्मक प्रभाव पार्ने अपेक्षा गर्न सकिन्छ ।