काठमाडौं । नेपाल प्रिमियर लिग (एनपीएल) को ११ औँ खेलमा आज काठमाण्डू गोर्खाज र लुम्बिनी लायन्सबीच खेल हुँदैछ । यी दुई टोलीबीच त्रिभुवन अन्तरराष्ट्रिय क्रिकेट मैदानमा साँझ ४ बजे खेल सुरु हुनेछ ।
करण केसीको कप्तानीमा रहेको काठमाण्डू र रोहित पौडेलको कप्तानीमा रहेको लुम्बिनी लायन्स दुबैको समान २–२ अंक छ । लुम्बिनी लायन्सले २ खेलमा १ खेल जिते र एक खेलमा पराजय भोगेको छ । काठमाण्डू गोर्खाज ३ खेल खेलिसकेको छ । जसमा एकमा जित र दुई हारको सामना गरेको छ । आज काठमाण्डूको चौथो खेल हो भने लुम्बिनीको तेस्रो खेल हो ।
साविक विजेता जनकपुर बोल्ट्सलाई उद्घाटन खेलमा पराजित गरेको काठमाण्डूले त्यसपछिका दुबै खेलमा हार व्यहोरेको छ ।