काठमाडौं । वीपी राजमार्गको दशैँ अघि नखुल्ने भएको छ । राजमार्गको करिब १२ किलोमिटर सडक पूर्णरुपमा बगेका कारण दशैँ अघि खुल्ने सम्भाना नरहेको मन्त्रालका सचिव केशव कुमार शर्माले बताए ।

मन्त्रालयमा बिहीबार आयोजना गरिएको पत्रकार सम्मेलनमा सचिव शर्माले दशैँ अघि वीपी राजमार्ग खुलाउन नसकिने जानकारी दिएका हुन् । दुबैतर्फबाट पहिरो सफा गर्ने काम भइरहेको, रोशी खोलाको पानीको बहावलाई मध्यनजर गरि सम्भव भएसम्मका सबै विकल्पहरु प्रयोग गरि अस्थायी रुपमा यातायात सञ्चालनको प्रयास गर्ने उनको भनाइ छ । ‘हामी प्रयासरत छौं तर दुईतर्फी रुपमा वीपी राजमार्गबाट तत्काल यातायात सञ्चालन गर्न कठिन हुने देखिन्छ’ उनले भने ।

बाढी र पहिरोका कारण वीपी राजमार्गको चौकी डाँडा कालढुंगा खण्डको करिब १८ किलोमिटर सडकमा सवारी सञ्चालनमा समस्या छ ।