काठमाडौं । उपप्रधान तथा अर्थमन्त्री विष्णुप्रसाद पौडेलले रियल स्टेट सेक्टरमा हदबन्दीले समस्या सिर्जना गरेको शुक्रबार नेपाल जग्गा तथा आवास विकास महासंघको तेस्रो साधारणसभामा बोल्दै पौडेलले यस्तो बताएका हुन् ।

पौडेलले रियल स्टेट सेक्टरमा हदबन्दीले समस्या सिर्जना गरेकाले यसमा पुनः छलफल गर्नुपर्ने जिकिर गरेका छन् । उनले जग्गा तथा आवास विकास महासंघले देशको समृद्धि हासिलमा महत्त्वपूर्ण योगदान पुर्याएको बताउँदै कृषि उत्पादनका लागि जग्गाको वर्गीकरण गरेर उपयोग गर्नुपर्ने जानकारी दिए । उनले जग्गाको सही सदुपयोग गर्न नसके नेपालको जग्गा कंक्रिटको जंगलमा परिणत हुने बताए ।

अर्थमन्त्री पौडेलले रियल स्टेटको ब्रोकरलाई लाईसेन्स दिनुपर्ने जिकिर गर्दै ल्यान्ड पुलिङ गर्न पाउने अधिकार निजी क्षेत्रलाई पनि उपलब्ध गराउनु पर्ने दाबी गरे । निर्माण क्षेत्रको ऐन छिटो ल्याउनुपर्ने भन्दै उनले भने, ‘अहिले हदबन्दीको कुरा धेरै उठिरहेको छ । उनले हाल घर जग्गा कारोबारमा सङ्कुचन आएको बताए । ‘कानुनी संगठन गरेर मुलुकको घरजग्गा कारोबारमा देखिएको सङ्कुचनलाई अन्त्य गर्नुपर्नेमा सरकार लागेको छ ।’ उनले थपे ‘जग्गामा देखिएको समस्या समाधान गर्न तपाइँहरु मौन नबस्नु होस् ।

उनले यसले समाजलाई योगदान गरिसकेको छ । तर, अहिलेको परिस्थितिमा हदबन्दीलाई हुबहु राख्ने हो भने यस्ले आजको समस्या समाधान गर्न सक्दैन ।’ सरकारले जायज समस्या समाधान गर्छ । जग्गाको समस्या भनेको सरकार, मुलुक पनि समस्या हो ।’