काठमाडौं । नेप्से परिसूचक ४.०५ अंकले घटेर २६५०.०९ विन्दुमा पुगेरा बन्द भएको छ । यस दिन ३३४ वटा कम्पनीको १ करोड ३ लाख १३ हजार कित्ता शेयर कारोबार हुँदा ३ अर्ब ७७ करोड ४३ लाख रुपैयाँ पुगेको छ । विहीबारको तुलनामा कारोबार रकम ८४ करोड ८४ लाख रुपैयाँले  घटेको हो । विहीबार कारोबार रकम ४ अर्ब ६२ करोड २७ लाख रुपैयाँ थियो।

सेन्सेटिभ इन्डेक्स ०.२५ अंकले घटेर ४६३.५६ विन्दुमा पुगेर बन्द भएको छ । त्यस्तै फोल्ट इन्डेक्स ०.४७ र सेन्सेटिभ फोल्ट इन्डेक्स भने ०.२८ अंकले घटेको छ ।

यस दिन ९ उप समूह घटेका छन् भने ४ उप समुह बढेको छ । बैंकिङ ०.२४ प्रतिशत, विकास बैंक ०.२१,वित्त ०.७०, होटल्स तथा पर्यटन समूह ०.२७, जलविद्युत ०.१३, लगानी ०.१७, जीवन बीमा ०.३१,  निर्जीवन बीमा ०.२४ र अन्य समूह ०.१४ प्रतिशतले घटेका छन् । उत्पादन र प्रशोधन ०.२५, लघुवित्त ०.०१, म्युअुचल फण्ड ०.५२ र व्यापार समूह ०.१४ प्रतिशतले बढेका छन्।