काठमाडौं । सेयर बजार घट्ने क्रम आज पनि जारी रहेको छ । अघिल्लो दिन पनि घटेर कारोबार भएको बजार आज पनि दोहोरो अंकले घटेर बन्द भएको हो ।

आज सेयर बजार परिसूचक १०.०७ अंकले घटेर २७३०.१७ विन्दुमा पुगेको छ । आज सेयर बजारमा १७४ कम्पनीको सेयर मूल्य घटेको छ । त्यस्तै ८० कम्पनीको सेयर मूल्य आज बढेको छ । आज १४ कम्पनीको सेयर मूल्य स्थिर रहेको छ ।

त्यस्तै आज सेन्सेटिभ इन्डेक्स पनि ०.३४ अंकले बढेर ४६७.२० विन्दुमा पुगेको छ । आज १३ उपसूचकमध्ये १० वटा उपसूचकको सेयर मूल्य घटेको छ भने ३ वटाको मात्रै बढेको छ । परिसूचक दोहोरो अंकले घटेको दिन कारोबार भने केही बढेको छ ।

आज सेयर बजारमा ३३७ कम्पनीका ७९ लाख ५८ हजार ७५२ कित्ता सेयर ४६ हजार ४०२ पटक खरिद बिक्री हुँदा ३ अर्ब २९ करोड २ लाख ४४ हजार ६१९ रुपैयाँको कारोबार भएको छ ।