काठमाडौं । प्रभु महालक्ष्मी लाइफ इन्स्योरेन्सले करिब १९ लाख कित्ता संस्थापक सेयर बिक्रीमा राखेको छ । कम्पनीले आज सूचना जारी गरेर १८ लाख ९९ हजार २४१ कित्ता सेयर बिक्रीमा राखेको हो ।

यस अघि संस्थाका विद्यमान संस्थापक सेयरधनीहरुका लागि ३५ दिनको सूचना जारी गरिएको भए पनि उक्त सेयरमा आवेदन नपरेकाले आम रुपमा सबैले खरिद गर्न पाउने गरि ७ दिनको सूचना जारी गरेर उक्त सेयर बिक्रीमा राखिएको कम्पनीले जनाएको छ ।

उक्त सेयर खरिद गर्न इच्छुक सर्वसाधारण व्यक्ति वा संघ–संस्थाहरूले यो सूचना प्रकाशित भएको मितिले ७ दिन भित्र कम्पनीको केन्द्रीय कार्यालय कमलादी काठमाडौंमा निवेदन पेश गर्नु पर्ने छ ।