काठमाडौं । नेपाल एयरलाइन्सले त्रिभुवन अन्तर्राष्ट्रिय विमानस्थल भोलि शुक्रबारबाट राति १० बजेदेखि बिहान ८ बजेसम्म बन्द हुने भएकाले आफ्नो उडान तालिका परिवर्तन गरेको छ ।

नेपाल एयरलाइन्सले भोलिदेखि विमानस्थल बन्द हुने भएपछि अन्तर्राष्ट्रिय उडानको तालिका परिवर्तन गरेको सूचना जारी गरेको छ । निगमले जारी गरेको सूचना अनुसार काठमाडौंबाट राति ११ः५० मा हुने जापानको नारिता उडान भोलिबाट राति ९ बजेर १५ मिनेटमै हुने भएको छ । नारिताबाट फर्कँदा पनि बिहान ११ः २५ मा आइपुग्ने जहाज अब ९ः२५ मै आइपुग्ने भएको छ ।

काठमाडौंबाट दोहा उडान राती ११ बजे हुने उडान अब भोलिबाट साढे ९ मै हुने छ । दोहाबाट काठमाडौं आउने उडान पनि विहान ३ः २५ को उडान अब २ बजे आउने छ । काठमाडौंबाट दुबइ उडान अहिले राति ११ः१५ मा हुँदै आएकोमा अब ९ः३५ मै हुने छ भने दुबई काठमाडौं उडान ४ः१० बजे हुँदै आएको उडान भने यथावत नै छ ।