काठमाडौं । साताको सेयर कारोबार हुने तेस्रो दिन नेप्से परिसूचक दोहोरो अंकले बढेर बन्द भएको छ । अघिल्लो दिन सामान्य बढेको बजार आज २१.६२ अंकले बढेर २६३८.६० विन्दुमा पुगेको हो ।

आज सेयर बजारमा २१३ कम्पनीको सेयर मूल्य बढेको छ भने ४२ कम्पनीको घटेको छ । आज ६ कम्पनीको सेयर मूल्य भने स्थिर रहेको छ । आज सेन्सेटिभ इन्डेक्स पनि २.३१ अंकले बढेर ४५३.३७ विन्दुमा पुगेको छ । आज सबै १३ वटै उपसूचकको सेयर मूल्य बढेको छ ।

परिसूचक बढेको दिन कारोबार भने ४ अर्बमा सिमित भएको छ । आज सेयर बजारमा ३२८ कम्पनीका ९३ लाख ६४ हजार ९३८ कित्ता सेयर ४९ हजार ९३ पटक खरिद बिक्री हुँदा ४ अर्ब २३ करोड २४ लाख ७ हजार ६१३ रुपैयाँको कारोबार भएको छ । आज सेयर बजारमा एउटा कम्पनीको सेयर मूल्यमा सकारात्मक सर्किट लागेर कारोबार भएको छ ।