‘शेर्वी लोप्टुक कन्क्लेभ २०८२’ सम्पन्न : एसईई उत्तिर्ण विद्यार्थीहरु सम्मानित

काठमाडौं । नेपाल शेर्पा विद्यार्थी संघद्वारा आयोजित ‘शेर्वी लोप्टुक कन्क्लेभ २०८२’ सप्पन्न भएको छ । नेपालभरिका शेर्पा विद्यार्थीहरूलाई एकीकृत गर्दै शिक्षा, पहिचान, अवसर र सशक्तिकरणको सन्देश फैलाउने उद्देश्यले आयोजना गरिएको कार्यक्र यही शनिबार काठमाडौंमा सम्पन्न भएको हो ।

कार्यक्रम कपनस्थित सिद्धार्थ बुटिक होटलमा भव्यतापूर्वक सम्पन्न भएको छ । नेपाल शेर्पा विद्यार्थी संघले हरेक वर्ष आयोजना गर्ने यो कार्यक्रम शेर्पा विद्यार्थीहरूका लागि सशक्तिकरण, सञ्जाल विस्तार र सांस्कृतिक अभिव्यक्तिका साथै उच्च शिक्षामा अघि बढ्ने एउटा उत्कृष्ट माध्यम बनेको छ ।

यो वर्षको सम्मेलन पनि सिर्जनशीलता, बौद्धिक संवाद र सामूहिक उत्सवको संगमका रुपमा रहेको आयोजकले जनाएको छ । कार्यक्रमले भविष्यका शेर्पा नेतृत्वकर्ताहरूलाई प्रेरित गर्ने, आत्मविश्वास अभिव्यक्त गर्ने र समुदायमा बलियो सम्बन्ध बनाउन महत्वपूर्ण भूमीका खेलेको आयोजक शेर्पा विद्यार्थी संघका अध्यक्ष फुर्वा छिरिङ शेर्पाले जानकारी दिए ।

शेर्वी लोप्टुकमार्फत् एसईई दिएका शेर्पा विद्यार्थीहरुमध्येबाट छनोट गरी ११ कक्षामा पढ्नका लागि छात्रवृत्ति दिने गरिएको छ । यसपटक अघिल्लो वर्षभन्दा शेर्पा विद्यार्थीहरुको संख्या उत्साहजनकरुपमा वृद्धि भएको अध्यक्ष शेर्पाको भनाइ छ । कार्यक्रममा एस.ई.ई. विद्यार्थी सम्मान पनि गरिएको छ । उक्त अबसरमा एसईई परीक्षा उत्तीर्ण गरेका शेर्पा विद्यार्थीहरूको मेहनत र उपलब्धिको कदर गर्दै विशेष सम्मान गरिएको आयोजकले जनाएको छ ।

‘शेर्पा सन्देश २०८२’ विमोचन

शेर्पा विद्यार्थीहरूको लेख, सिर्जनात्मक अभिव्यक्ति, विचार र संस्कृतिको झल्को दिने शेर्पा सन्देश २०८२ सार्वजनिक समेत गरिएको छ ।

प्यानल छलफल

सो अबसरमा शिक्षा, पहिचान, अवसर र सशक्तिकरणको विषयमा युवा शेर्पा नेताहरू, शिक्षक तथा विज्ञहरूसँग संवाद सत्र सञ्चालन समेत गरिएको छ ।

फेसबुक प्रतिक्रिया

ट्रेन्डिङ खबर

ताजा अपडेट

सम्बन्धित समाचार