काठमाडौं । नेपाली बजारमा सुनचाँदीको मूल्य बढेको छ । अघिल्लो दिन पनि बढेको सुनको मूल्य आज तोलाको ३ हजार २०० रुपैयाँ र चाँदीको मूल्य १७० रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य तोलाको ३ लाख १३ हजार ५०० रुपैयाँ पुगेको छ । अघिल्लो दिन सुनको मूल्य ३ लाख १० हजार ३०० रुपैयाँ रहेको थियो ।

त्यस्तै चाँदीको मूल्य १७० रुपैयाँले बढेर तोलाको ५ हजार ५९५ रुपैयाँ पुगेको छ । अघिल्लो दिन चाँदीको मूल्य ५ हजार ४२५ रुपैयाँ रहेको थियो ।