काठमाडौं । धौलागिरी लघुवित्त वित्तीय संस्था लिमिटेडले आफ्ना सेयरधनीहरुलाई लाभांश वितरण नगर्ने भएको छ । कम्पनीको फागुन २७ गते बसेको सञ्चालक समितिको बैठकले लाभांश वितरण नगर्ने निर्णय गरेको हो ।

बैठकले गत आर्थिक वर्षको बाह्य लेखापरीक्षण प्रतिवेदन सहित गत असार मसान्तसम्मको वासलात, सोही अवधिको नाफा नोक्सान हिसाब, नगद प्रवाह विवरण र सोसँग सम्बन्धित अनुसूचीहरू सहितको लाभांश नरहेको वित्तीय विवरण स्वीकृतिका लागि नेपाल राष्ट्र बैंक र लघुवित्त संस्था सुपरीवेक्षण विभागमा पेश गर्ने निर्णय गरेको हो ।