काठमाडौं । नेपाल स्टक एक्सचेञ्ज (नेप्से) मा गुराँस लघुवित्त वित्तीय संस्थाको सेयरमूल्य समायोजन भएको छ । साधारणसभा तथा लाभांश वितरण प्रयोजनार्थ लघुवित्तले बुकक्लोज गरेसँगै नेप्सेले मूल्य समायोजन गरी नयाँ मूल्य निर्धारण गरेको हो ।

नेप्सेले गुराँस लघुवित्तको ९.५ प्रतिशत बोनस सेयर समायोजन गरेको हो । समायोजनपश्चात लघुवित्तको सेयरमूल्य १ हजार ४९७ रुपैयाँ ७२ पैसा कायम भएको छ । नेप्सेले अघिल्लो कारोबार दिन अर्थात मंगलबारको अन्तिम मूल्यका आधारमा लघुवित्तको सेयरमूल्य समायोजन गरेको हो ।

मंगलबार दोस्रो बजारमा लघुवित्तको सेयर प्रतिकित्ता १ हजार ६४० रुपैयाँमा अन्तिम कारोबार भएको थियो । यही समायोजित मूल्यका आधारमा आज दोस्रो बजारमा लघुवित्तको सेयर कारोबार खुल्नेछ ।