काठमाडौं । भारतीय टेष्ट टोलिका कप्तान रोहीत शर्माले टेष्ट क्रिकेटबाट सन्यास लिए । इग्ल्याण्ड भ्रमणमा कप्तान परिवर्तन हुने र आफू खेलाडीका रुपमा मात्रै जानु पर्ने अवस्था देखे पछि शर्माले रातो बल क्रिकेटबाट विदा लिने निर्णय गरे ।

छनोट कर्ताहरुले खेलाडीका रुपमा मात्रै इग्ल्याण्ड लैजाने र त्यस पछि विस्तारै विस्तारै विस्तापित गर्ने अवस्था देखे पछि रोहीतले रातो बल क्रिकेटलाई बिदाइ गर्ने अवस्थामा पुगेको अन्तराष्ट्रिय सञ्चारमाध्यामहरुले जनाएका छन् । रोहीत पछिल्लो समय रातो बल क्रिकेटमा राम्रो प्रदर्शन गर्न सकिरहेका छैनन् । जसका कारण उनलाई अष्ट्रेलिया विरुद्धको अन्तिम खेलमा बेन्चमा राखिएको थियो । जसका कारण उनको भविष्यकाका विषयलाई लिएर निकै चार्चाहरु पनि भएका थिए ।

तर च्याम्पियन ट्रफिको उपाधि जिताए पछि उनले लामो संरचनाको क्रिकेट खेल्ने बताएका थिए । र एक दिवसीय क्रिकेटबाट सन्यास लिने अनुमानका बीच उनले उक्त संरचनामा खेल्ने बताएका थिए । टि–२० क्रिकेटबाट भने उनले सन्यास लिइसकेका छन् । अब उनी भारतीय टोलिको एकदिवसीय क्रिकेट जर्सिमा मात्रै देखिने छन् । जहाँ उनी टिमको कप्तानी गर्नेछन् । उनको सन्यास पछि अब भारतीय टोलीको कप्तान को बन्छ भन्ने चर्चा सुरु भएको छ ।

अहिले आइपीएल जारी रहेको छ । आइपीएल अन्तिम चरणमा पुगेको छ । यस पछि भारतीय टोली इग्ल्याण्ड भ्रमण जाने छ । उक्त भ्रमणमा भारतीय टोलीको नेतृत्व कसले गर्ला भन्ने चासो बढेको छ । अहिले उपलब्ध रहेका खेलाडीमध्ये भारतीय कप्तान बन्ने लाइनमा शुभमन गिल रहेका छन् ।

युवा र लामोसमय क्रिकेट खेल्ने सम्भावना रहेकाले उनको कप्तान बन्ने सम्भावना सबै भन्दा धेरै रहेको छ । त्यस्तै जसप्रित बुम्रा पनि कप्तान बन्न सक्ने देखिन्छ । तर उनी तिब्रगतिको बलर रहेको र इग्ल्याण्ड भ्रमणका सबै ५ खेल खेल्न नसक्ने भएकाले पनि उनको कप्तान बन्न सक्ने सम्भावना केही कम रहेका छ ।

त्यस्तै भारतले लोकेश राहुललाई पनि कप्तान बनाउन सक्ने सम्भावना रहेको छ । उनी अहिले निकै राम्रो लयमा रहेका छन् । त्यस्तै लामो समयदेखि भारतीय टेष्ट टोलिमा नरहेका श्रयस अयर पनि कप्तानको हुने लाइनमा रहेका छन् ।