काठमाडौं । साताको चौथो कारोबार दिन बुधबार सेयर बजार बढेको छ । बुधबार सेयर बजार मापक नेप्से परिसूचक २२.०४ अंकले बढेर २७०५.९० बिन्दुमा पुगेको छ । साताको दोस्रो सोमबार र तेस्रो मंगलबार कारोबार सेयर बजार घटेको थियो । बुधबार नेप्से सेन्सेटिभ इण्डेक्स ४.७६ अंक बढेको छ भने फ्लोट इण्डेक्स १.७६ अंक र सेन्सेटिभ फ्लोट इण्डेक्स १.८१ अंक बढेको छ।
बुधबार सेयर बजारसंगै कारोबार रकम पनि बढेको छ । मंगलबार ६ अर्ब रुपैयाँ बराबरको कारोबार भएको सेयर बजारमा बुधबार ७ अर्ब ४५ करोड १८ लाख ७७ हजार रुपैयाँ बराबरको सेयर कारोबार भएको छ । आज कारोबारमा आएको १३ उपसमूहमध्ये ११ उपसमूहको परिसूचक बढेको छ । बाँकी २ उपसमूहको परिसूचक घटेको छ। आज बैंकिङ उपसमूहको परिसूचक सबैभन्दा धेरै बढेको छ । आज यस क्षेत्रको सेयर मूल्य १.६८ प्रतिशत बढेको छ। यसैगरी, लगानी उपसमूहको परिसूचक १ प्रतिशतभन्दा बढी बढेको छ, भने उत्पादन तथा प्रशोधन उपसमूहको परिसूचक करिब १ प्रतिशत बढेको छ। यस दिन वित्त र म्युचुअल फण्ड उपसमूहको परिसूचक सामान्य घटेको हो ।
आज बरुण हाइड्रोपावरको सेयरमूल्य सर्वाधिक ६.२१ प्रतिशत बढेको छ। त्यस्तै, यस दिन पञ्चकन्या माइ हाइड्रोपावरको सेयरमूल्य ४ प्रतिशतभन्दा बढी बढेको छ । कारोबार रकमका आधारमा यस दिन राधी विद्युत कम्पनी उच्च स्थानमा रहेको छ। सो कम्पनीको यस दिन ४६ करोड ७१ लाख रुपैयाँबराबरको सेयर कारोबार भएको छ।