काठमाडौं । नेपाल प्रिमियर लिग (एनपिएल) मा चितवन राइनोजले विराटनगर किङ्सलाई जितका लागि १७५ रनको लक्ष्य दिएको छ । कीर्तिपुरस्थित टीयू अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको चितवनले २० ओभरमा ५ विकेट गुमाएर १७४ रन बनाए पछि विराटनगरले उक्त लक्ष्य पाएको हो ।
चितवनका लागि रबि बोपाराले लगातार तेस्रो खेलमा अर्धशतक बनाए । बोपाराले सर्वाधिक ६५ रन बनाए । त्यस्तै सैफ जैबले ३२ र देव खनालले २८ रन जोडे । कप्तान कुशल मल्लले २० रनमा अविजित रहे ।
बलिङमा विराटनगरका मर्चेन्ट डे लाङ र कप्तान सन्दीप लामिछानेले दुई/दुई तथा शुभम रन्जानले एक विकेट लिए । सुरुवाती १० ओभरमा ७५–३ को अवस्थामा रहेको चितवनले अर्को १० ओभरमा ९९ रन जोडेको थियो ।