काठमाडौं । साताको सेयर कारोबार हुने पहिलो दिन आइतबार नेप्से परिसूचक घटेर कारोबार भएको छ । आज सेयर बजार परिसूचक २७.५९ अंकले घटेर २६१४.५५ विन्दुमा पुगेको हो ।

आज सेयर बजारमा २२० कम्पनीको सेयर मूल्य घटेको छ भने ३४ कम्पनीको मात्रै बढेको छ । त्यस्तै आज ७ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि ३.२७ अंकले घटेर ४४९.३९ विन्दुमा पुगेको छ । आज सेयर बजारमा सबै १३ वटै उपसूचकको सेयर मूल्य घटेको छ ।

परिसूचकसँगै आज कारोबार रकम पनि घटेको छ । गत साताको अन्तिम कारोबार दिन ७ अर्ब माथिको कारोबार भएको बजारमा आज भने ६ अर्ब ६९ करोड ९७ लाख २१ हजार २०४ रुपैयाँको कारोबार भएको छ । आज सेयर बजारमा ३२४ कम्पनीका १ करोड ५९ लाख ८९ हजार ४३० कित्ता सेयर ७२ हजार १०४ पटक खरिद बिक्री हुँदा उक्त रकमको कारोबार भएको हो ।

आज सेयर बजारमा एउटा कम्पनीको सेयर मूल्यमा सकारात्मक सर्किट लागेर कारोबार भएको छ ।