काठमाडौं । प्रभु महालक्ष्मी लाइफ इन्स्योरेन्स लिमिटेडले साढे १ लाख कित्ता संस्थापक सेयर बिक्रीमा राखेको छ । कम्पनीले संस्थपाक समूहको १ लाख ५३ हजार ४०२ कित्ता सेयर बिक्रीमा राखेको हो ।

जसमध्ये संस्थापक सेयरधनी सैला श्रेष्ठको १ लाख २० हजार ७८० कित्ता, सनराइज होल्डीङ्गस प्रा. लि. को १८ हजार ३४८ कित्ता, सैलेश श्रेष्ठको १२ हजार ७८ कित्ता र अनिल प्रसाद श्रेष्ठको २ हजार १९६ कित्ता सेयर रहेको छ । उक्त सेयर कम्पनीका हाल कायम विद्यमान संस्थापक सेयरधनीहरूले मात्रै खरिद गर्न सक्नेछन् । सेयर किन्न इच्छुक सेयरधनीले काठमाडौंको कमलादीस्थित कम्पनीको प्रधान कार्यालयमा निवेदन दिनु पर्नेछ ।

साथै तोकिएको समयभित्र संस्थापक सेयरधनीबाट सेयर खरिदका लागि पर्याप्त आवेदन नआएमा सो सेयर सर्वसाधारणमा बिक्री खुला गरिने कम्पनीले जनाएको छ ।