काठमाडौं । चिनियाँ राष्ट्रपति सी जिनपिङलेले नेपाललाई ९ अर्ब अनुदान सहयोग गर्ने घोषणा गरेका छन् । चिन भ्रमणमा रहेका नेपालका प्रधानमन्त्री केपी शर्मा ओलीसँगको भेटका क्रममा चिनियाँ राष्ट्रपतिले नेपाललाई ९ अर्ब अनुदा सहयोग गर्ने घोषणा गरेका हुन् ।

प्रधानमन्त्री ओलीसँगको भेटामा चिनियाँ राष्ट्रपति सीले सहयोग रकम घोषणा गरेको परराष्ट्र मन्त्रालयका प्रवक्ता कृष्णप्रसाद ढकालले जानकारी दिए । उनका अनुसार राष्ट्रपति सीले चिनियाँ ५०० मिलियन आरएमबी अनुदान सहयोग गर्ने घोषणा गरेका हुन् ।

नेपालका प्रधानमन्त्री ओलीले बेइजिङमा आफ्ना चिनियाँ समकक्षी र चिनियाँ राष्ट्रपतिसँग छुट्टाछुट्टै भेटवार्ता गरेका हुन् । मंगलबार बिहान ओली र चिनियाँ प्रधानमन्त्री ली चियाङबीच बेइजिङमा भेटवार्ता भएको थियो । उनीहरूको उपस्थितिमा दुई देशका अधिकारीहरूले पारस्परिक सहयोगका लागि विभिन्न ९ वटा सहमतिपत्रमा हस्ताक्षर भएको छ ।