काठमाडौं । कुमारी बैंक लिमिटेडले संस्थापक समूहको २२ लाख ४३ हजार ७ कित्ता सेयर लिलाम बिक्रीमा राखेको छ । बैंकले इच्छुक जो कोही व्यक्ति, कम्पनी वा संघसंस्थाले खरीद गर्न पाउने गरी बिक्रीमा राखेको हो ।

उक्त सेयरको न्यूनतम मूल्य प्रतिकित्ता १०० रुपैयाँ तोकिएको छ । सेयर खरीदका लागि आवेदन दिँदा घटीमा १० लाख कित्ता र बढीमा सम्पूर्ण कित्ता खरीदका लागि आवेदन दिन सकिने व्यवस्था गरिएको छ ।

इच्छुक लगानीकर्ताले आज मंसिर १९ गतेदेखि पुस ३ गतेभित्र आफूले किन्न चाहेको सेयर संख्या र सोको मूल्य समेत खुलाई गोप्य शिलबन्दी बोलपत्र पेश गर्नु पर्नेछ । बोलपत्र बिक्री प्रबन्धक मुक्तिनाथ क्यापिटल लिमिटेडको प्रधान कार्यालय नारायणचौर, नक्साल, काठमाडौंमा बुझाउनु पर्नेछ ।