काठमाडौं । प्रभु इन्स्योरेन्स कम्पनीको नाफामा सुधार देखिएको छ । कम्पनीले सार्वजनिक गरेको चालु आर्थिक वर्षको तेस्रो त्रैमासिकसम्मको वित्तिय विवरण अनुसार नाफा ५ प्रतिशतले बढेको हो ।

समीक्षा अवधिमा कम्पनीको मुनाफा ५.६३ प्रतिशतले वृद्धि भएको छ । चालु आर्थिक वर्षको ९ महिनासम्ममा कम्पनीले २१ करोड १५ लाख रुपैयाँ नाफा कमाएको छ । गत आवको सोही अवधिसम्ममा कम्पनीको नाफा २० करोड रुपैयाँ रहेको थियो ।

समीक्षा अवधिसम्ममा कम्पनीको खुद बीमाशुल्क आर्जन गत बर्षको तुलनामा ५.७८ प्रतिशतले वृद्धि भएर ५० करोड रुपैयाँ पुगकोे छ । गत बर्षको सोहि अवधिमा कम्पनीले ४७ करोड ६३ लाख रुपैयाँ खुद बीमाशुल्क आर्जन गर्न सफल भएको थियो । कम्पनीको कमिशन शुल्क गत बर्षको तुलनामा २.१७ प्रतिशतले घटेको छ । कम्पनीको चुक्ता पुँजी गत बर्षको तुलनामा १८ प्रतिशतले वृद्धि भएको छ । गत बर्ष १ अर्ब ४४ करोठ रुपैयाँ चुक्ता पुँजी रहेको कम्पनीको यस अवधिसम्म्मा यस अवधिमा १ अर्ब ७० करोड रुपैयाँ रहेको छ ।

त्यस्तै, कम्पनीको, महाविपत्ति कोषमा ११ करोड १८ लाख रुपैयषँ रहेको छ भने बीमा कोषमा ३ अर्ब ३५ करोड रुपैयाँ रहेको छ। कम्पनीको प्रतिसेयर आम्दानी १६ रुपैयाँ ५८ पैसा रहेको छ भने प्रतिसेयर नेटवर्थ २०९.५५ रुपैयाँ रहेको छ।