काठमाडौं । फिफा विश्वकप फुटबलअन्तर्गत गएराति भएको खेलमा स्पेनले साउदी अरेबियामाथि सानदार जित निकालेको छ । स्पेनले साउदीलाई ४–० ले पराजित गर्दे तीन अंक जोडेको हो ।

जारी विश्वकपमा यो स्पेनको पहिलो जित हो । पहिलो खेलमा केब भार्डेसँग बराबरी खेलेको स्पेनले यस जितसँगै चार अंक जोड्दै समूहको शीर्ष स्थानमा उक्लिएको छ । स्पेनका लागि १० औँ मिनेटमा लामिन यामालले पहिलो गोल गरे । त्यसपछि २१ औँ र २३ औँ मिनेटमा मिकेल ओयारजाबालले लगातार दुई गोल थप्दै टोलीलाई ३–० को सहज अग्रता दिलाए ।

दोस्रो हाफमा साउदी अरेबियाका हसन अल–तम्कदीबाट आत्मघाती गोल भएपछि स्पेनको अग्रता ४–० पुग्यो । खेलको अन्त्यतिर फेरान टोरेसले गोल गरेपनि अफसाइडका कारण त्यसले मान्यता पाएन ।