काठमाडौं । सोलुखुम्बुको सोलुदुधकुण्ड नगरपालिका वडा नंम्बर १० भित्र पर्ने पर्यटकीय पिके क्षेत्रमा जाने बाटोमा प्रचिनकालमा निर्माण भएका धार्मिक ऐतिहासिक सम्पदाका रूपमा रहेको माने पुनः निर्माण तथा मर्मत सम्भार पिके सोलुखुम्बु टाप्टिङ समाज सेवा काठमाडौंले सहयोग गर्ने भएको छ । समाजको विशेष अगुवाईमा पिके पिक टाप्टिङ क्षेत्रभित्र रहेका साना–ठूला गरी जम्मा १६ वटा जीर्ण माने पर्खालहरू मर्मत सम्भार तथा पूनः निर्माण कार्यमा आर्थिक सहयोग गर्ने भएको हो ।

समाजले माने पुनः निर्माणका लागि सहयोग गर्ने सम्पूर्ण चन्दादाताहरूको नामवाली शिलालेखमा उल्लेख गरी अभिलेख राख्ने कार्य सम्पन्न भएको पिके सोलुखुम्बू टाप्टिङ सेवा समाजका अध्यक्ष ङवाङ फुरी शेर्पाले जानकारी दिइन् । साथै सो माने निर्माण कार्यमा सहयोग गर्ने ६ जना गाउँ संयोजकहरूलाई कदर पत्र प्रदान गरि सम्मान गरिएको अध्यक्ष शेर्पाले बताइन् ।