काठमाडौं । नेपाल प्रिमियर लिग (एनपीएल)को पाँचौं खेलमा लुम्बिनी लायन्सले चितवन राइनोजविरुद्ध टस जितेर पहिला बलिङ गर्ने निर्णय लिएको छ । त्रिवि क्रिकेट मैदानमा लुम्बिनी लायन्सका कप्तान रोहित कुमार पौडेलले टस जितेर बलिङ गर्ने निर्णय लिएका हुन् ।
चितवनको यो दोस्रो खेल हो भने लुम्बिनी आफ्नो पहिलो खेल खेल्दै छ । चितवनले पहिलो खेलमा कर्णाली याक्सलाई ४ विकेटले पराजित गरेको थियो ।
लुम्बिनी लायन्सको टिम
रोहित कुमार पौडेल (कप्तान), सन्दीप जोरा, दिलिप नाथ, शेर मल्ल, अभिषेश गौतम, दिनेश अधिकारी, डार्सी सर्ट, गुल्बदिन नैब, रुबिन ट्रम्पलमेन, जे जे स्मिथ, समिर अली ।
चितवन राइनोजको टिम
कुशल मल्ल (कप्तान), रिजन ढकाल, देव खनाल, अमर सिंह रौतेला, दीपक बोहरा, कमल सिंह ऐरी, डेविड मलान, रबि बोपारा, सैफ जैब, सोहिल तान्भिर, अर्जुन साउद ।