काठमाडौं । साताको सेयर कारोबार हुने दोस्रो दिन सोमबार नेप्से परिसूचक उच्च अंकले बढेर कारोबार भएको छ । आज सेयर बजार परिसूचक ५०.४४ अंकले बढेर २६५०.६६ विन्दुमा पुगेको हो । यो अघिल्लो दिनको भन्दा १.९४ प्रतिशतले बढी हो ।

आज सेयर बजारमा २१५ कम्पनीको सेयर मूल्य बढेको छ भने भने ३७ कम्पनीको सेयर मूल्य घटेको छ । त्यस्तै आज ६ कम्पनीको सेयर मूल्य भने स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ७.८४ अंकले बढेर ४५६.१३ विन्दुमा पुगेको छ । आज १३ उपसूचकमध्ये सबै उपसूचकको सेयर मूल्य बढेको छ ।

आज परिसूचकसँगै कारोबार रकमा पनि वृद्धि भएको छ । अघिल्लो दिन ६ अर्ब माथिको कारोबार भएको बजारमा आज भने ७ अर्ब माथिको कारोबार भएको छ । आज सेयर बजारमा ३३० कम्पनीका १ करोड ४२ लाख ४ हजार ३६२ कित्ता सेयर ७९ हजार ७१४ पटक खरिद बिक्री हुँदा ७ अर्ब ३ करोड ५४ लाख ८० हजार १३६ रुपैयाँको कारोबार भएको छ । आज सेयर बजारमा ५ कम्पनीको सेयर मूल्यमा सकारात्मक सर्किट लागेर कारोबार भएको छ ।