काठमाडौं । दोस्रो संस्करणको नेपाल प्रिमियर लिग (एनपिएल) अन्तर्गत आज कर्णाली याक्स र काठमान्डू गोर्खाज भिड्दैछन् । यी दुई टोलि बीचको खेल अपराह्न ३ः३० बजेदेखि सुरु हुने छ ।
सोमपाल कामीको कप्तानीमा रहेको कर्णाली याक्सले हालसम्म एउटामात्र खेल जितेको छ । दुई अङ्कका साथ कर्णाली छैटौँ स्थानमा छ । प्लेअफको यात्रामा रहिरहन उसलाई आज जित्नैपर्ने बाध्यता छ ।
करण केसीको नेतृत्वमा रहेको काठमाडौँ तेस्रो स्थानमा छ । प्लेअफको यात्रामा पुग्न काठमाडौँका लागि पनि यो खेल महत्त्वपूर्ण छ ।