काठमाडौं । गगन थापा झन् झन् पछि, मतान्तर अझ फराकिलो बनाउँदै अमरेशप्रतिनिधिसभा निर्वाचन अन्तर्गत सर्लाही क्षेत्र नम्बर ४ मा राष्ट्रिय स्वतन्त्र पार्टी (रास्वपा) का उम्मेदवार अमरेशकुमार सिंहले मतान्तर झन् झन् बढाउँदै लगेका छन्। निर्वाचन आयोगले सार्वजनिक गरेको पछिल्लो विवरणअनुसार रास्वपाका सिंहले ९ हजार ३७ मत पाएका छन्। उनी सुरुदेखि नै अगाडि छन्।
उनका प्रतिस्पर्धी नेपाली कांग्रेसका सभापति गगन थापाले अहिलेसम्म पाँच हजार आठसय २८ मत पाएका छन्। थापा सुरुवातदेखि नै सिंहसँग पछाडि परेका छन्। यस्तै, नेकपा (एमाले)का अमनिशकुमार यादवले १ हजार ४२२ मत पाएका छन् भने कम्युनिस्ट पार्टी (नेकपा)का रजनिश रायले ४६१ मत पाएका छन्। सीके राउत नेतृत्वको जनमत पार्टीका राकेशकुमार मिश्रले ५११ मत पाएका छन्।
सर्लाही ४ को मतगणना गोडैता बजारस्थित बेणी भोला नमूना माध्यमिक विद्यालय गोडैतामा जारी छ। सर्लाही ४ मा एक लाख २१ हजार १२ मतदातामध्ये ७७ हजार ९३१ मत खसेको निर्वाचन अधिकृतको कार्यालयले जनाएको छ।