काठमाडौं । नेपाल स्टक एक्सचेञ्ज (नेप्से) ५.३० अकंले घटेर २५९४.२७ बिन्दुमा कायम भएको छ । आज ३५७ कम्पनीको १ करोड ४४ हजार कित्ता सेयर किनबेच हुँदा ४ अर्ब १० करोडको कारोबार भएको हो ।

आज ११ समूहको सेयरमूल्य राताम्य भएका छन् । आज विकास बैंक र निर्जीवन बीमा समूहको सेयरमूल्य सामान्य बढेको छ । मंगलबार ७८ कम्पनीको सेयरमूल्य बढेको छ भने १८७ कम्पनीको घटेको छ । १२ कम्पनीको सेयरमूल्य स्थिर रहेको हो । आज मकर जितुमाया हाइड्रोको सर्वाधिक कारोबार भएको छ । आज यस कम्पनीको ९० करोड ७ लाख रुपैयाँको सेयर कारोबार भएको छ । आज सबैभन्दा धेरै सर्वोत्तम पेन्ट्सका लगानीकर्ताले कमाएका छन् । आज यस कम्पनीका लगानीकर्ताले १४.९९ प्रतिशतका दरले कमाएका हुन् ।

आज धौलागिरी लघुवित्त वित्तीय संस्थाका लगानीकर्ताले सर्वाधिक गुमाएका छन् । आज यस लघुवित्तका लगानीकर्ताले १० प्रतिशतका दरले गुमाएका हुन् ।