काठमाडौं । पछिल्लो समय बैदेशिक रोजगारीसंग सम्बन्धित जाली तथा झुटा घट्नाहरु ह्वात्तै बढ्न थालेका छन् । सोही मारमा पर्ने गरेका छन् आम सर्व साधारण र सामान्य भूँई मान्छेहरु ।

नक्कली एजेन्ट बनेर मोटो रकमको पैसा अशुल्ने तथा सोझा साझा नागरिकको खुन, पसिना नभनि कमाएको रकम सिधैं ठग तथा गिरोहको हातमा पर्न थालेको छ ।

यस्तो विषयमा सरकार बेखर नै छ भन्न सकिने अवस्था छैन । तर, बैदेशिक रोजगारीसँग सम्बन्धित कतिपय कानुनहरु आज भोलि नै सुधार गर्न नसके त्यस्ते निम्त्याउने घटनाहरु निकै दर्दनाक छन् । आम नागरिकहरुको पेटमा छुरा हानेर भाग्ने ठगहरुलाई एक दिन सकारले कडाईको डण्डा चलाउन जरुरी छ । बहुमतको सरकार बनेको केही समय भएको बेलामा नागरिकहरुले ठूलो आशा र भरोसा समेत सरकारलाई सुम्पिएका छन् । कुरा, सरकारले काम गर्छ-गर्दैन भन्दा पनि वास्तविक ठगहरु स्वदेश वा विदेश जहाँ भए पनि उनीहरुलाई नियन्त्रण गर्ने कडा कानुन सरकारले ल्याउँन जरुरी देखिएको छ ।

व्यक्तीलाई रकम बुझाएपछि ठगिनेको संख्या बढ्दै

मुख्यतय बैदेशिक रोजगार सम्बन्धि सरकारी निकायबाट चलाउनु पर्ने जनचेतनामा ठूलो खाडल देखिएको छ । यसको मतलब जो कोही ठगीनुको मतलब उनीहरुलाई सो क्षेत्रको चेतना निकै कम हो भन्ने पनि मान्न सकिन्छ । विभिन्न व्यक्तीहरुसँग पैसा उठाउने र सोझा साझा नागरिका २-५ लाख, १० लाख गर्दै करौडौ बनाएपछि सम्पर्कमा नआउने व्यक्तीहरुलाई सकारकाले यथाशिघ्र एयर प्रवेशमा रोक लगाउनु पर्ने देखिएको छ ।

त्यस्तै, उनीहरुलाई स्वदेश वा विदेश जहाँ भए पनि उनीहरुको परिचय खुल्ने गरी सामाजिक संजाल र मिडीयामा ल्याउँन जरुरी छ । ताकी, भोली यस्तो घट्ना कतै पनि नदोहोरीयोस् ।

विगतमा लामो राजनीतिक खिचातानीबाट आजित भएका अधिकांश नागरिकहरु यसपालि एउटै पार्टीको झण्डा मुनि उभिएका छन् । यस्तो बेलामा अब बैदेशीक रोजगारीमा ठगी गर्नेलाई सरकारले फास्ट ट्रयाकमा कारबाही अघि नबढाए यसले झन विकराल रुप लिने पक्का छ ।

यसमा बीमा दर्पण डटकम त्यसरी गरिने काराबाहीमा जरैसम्म पुगेर घटनाको गहिराई र वास्तविकता पत्ता लगाउन समेत सरकारी संयन्त्र फेल नहोस् भन्ने सुझाव प्रवाह गर्न चाहन्छ।

अब एजेन्टको जालोले निर्दोशलाई नबाधोस सरकार :

अधिकांश अवस्थामा एक जना व्यक्तीलाई धेरै जनाको पैसा उठाउन लगाई मुख्य गिरोहको नाइकेहरु भाग्ने गरेको समेत फेला परेको छ । त्यस्तो अवस्थामा निजको बैंक खाता रोक्का गर्ने, एयरपोर्ट प्रवेशमा तराईका नाकामा चेक जाँच गरेकै हिसाबमा काम गर्न जरुरी देखिएको छ । यसो भन्दै गर्दै एकजना निर्दोष माथि पनि निमर्म बन्ने छुट कसैलाई छैन ।

आशा छ सबैको सहकार्यबाट यस्ता ठगी र गिरोहको घटनालाई नयाँ सरकारको बलामा नै निमिट्यान्न पारेको हेर्न पाइयोस् ।

सरकारलाई वैदैशीक रोजगारीको ठगी र गिरोह नियन्त्रण गर्न बीमा दर्पण डटकम पूर्ण शुभेच्छा र सर्मथन समेत जनाउँन चाहान्छ ।

अब एक जना नागरिकले पनि अनाहकमा बैदेशिक रोजगारीको नाममा नचाहिदो सास्ती, आर्थिक ठगी भोग्न नपरोस् ।