काठमाडौं । भारतीय क्रिकेट कन्ट्रोल बोर्ड (बिसिसिआई) ले बंगलादेशविरुद्धको दुई खेलको टेस्ट सिरिजका लागि १५ सदस्यीय टोलीको घोषणा गरेको छ । अहिले पहिलो टेस्टका लागि मात्र टोली छनोट गरिएको छ ।

दुलीप ट्रफीमा राम्रो प्रदर्शन गरेका ऋषभ पन्तले पनि यस टोलीमा स्थान बनाएका छन् । टिममा यश दयालले सरप्राइज इन्ट्री मारेका छन् । पन्त र जुरेल विकेटकिपर ब्याट्सम्यानको भूमिकामा देखिनेछन् । यो टेस्ट सिरिजले सन् २०२४–२५ का लागि भारतको अन्तर्राष्ट्रिय घरेलु सिजनको सुरुवात गर्नेछ । भारतले बंगलादेशसँग तीन टी–२० म्याच पनि खेल्नेछ र यसका लागि टोलीको छनोट पछि हुनेछ ।

भारतीय टोली

रोहित शर्मा (कप्तान), यशस्वी जयसवाल, शुभमन गिल, विराट कोहली, केएल राहुल, सरफराज खान, ऋषभ पन्त (विकेटकिपर), ध्रुव जुरेल (विकेटकिपर), रविचन्द्र अश्विन, रविन्द्र जडेजा, अक्षर पटेल, कुलदीप यादव, मोहम्मद सिराज सिराज, आकाश दीप, जसप्रीत बुमराह, यश दयाल ।