काठमाडौं । नेपाल बजारमा यो साता सुनको मूल्य बढेको छ । यो साता नेपाली बजारमा सुन तोलामा २ हजार ३०० रुपैयाँले बढेको हो ।

नेपाल सुनचाँदी व्यवसायी महासंघका अनुसार यो साताको पहिलो दिन १ लाख ५५ हजार ६०० रुपैयाँमा खरिद बिक्री भएको सुन साताको अन्तिम दिनमा १ लाख ५७ हजार ९०० रुपैयाँमा कारोबार भएको थियो । यो सातामा ४ दिन सुनको मूल्य बढेको थियो ।

साताको पहिलो दिन आइतबार सुन प्रतितोला १ लाख ५५ हजार ६०० रुपैयाँमा कारोबार भएको थियो । त्यसपछि, सोमबार सुनको मूल्य फेरि १ लाख ५५ हजार ८०० रूपैयाँ पुगेको थियो । मंगलबार भने सुनको मूल्य घटेर तोलाको १ लाख ५५ हजार रूपैयाँमा झरेको थियो । बुधबार सुनको मूल्य फेरि बढ्यो । त्यो दिन सुन तोलामा १ लाख ५५ हजार ४०० रूपैयाँमा कारोबार भयो । त्यस्तै बिहीबार थप बढेर १ लाख ५६ हजार ६०० रूपैयाँ पुगेको थियो । सुनको मूल्य विभिन्न उतार चढाव सँगै साताको पछिल्लो कारोबार भएको दिन, शुक्रबार प्रतितोला १ लाख ५७ हजार ९०० रूपैयाँको उचाइमा पुग्यो ।

त्यसैगरी, यो साता नेपाली बजारमा चाँदीको मुल्य पनि बढेको छ । साताको पहिलो दिन आइतबार प्रतितोला १ हजार ८६० रुपैयाँ पुगेको मुल्य कारोबार भएको चाँदी साताको पछिल्लो कारोबार भएको दिन शुक्रबार प्रतितोला १ हजार ८९० रुपैयाँ पुगेको छ । यसरी, साताभरमा चाँदी तोलामा ३० रूपैयाँले महंगिएको हो ।