काठमाडौं । साताको सेयर कारोबार हुने चौथो दिन बुधबार नेप्से परिसूचक एकले अंकले बढेर कारोबार भएको छ । अघिल्लो दिन ५ अंकले बढेको नेप्से परिसूचक आज पनि ९.६१ अंकले बढेको हो ।

आजको कारोबार बन्द हुँदा सेयर बजार परिसूचक २६६५.६० विन्दुमा पुगेको छ । यो सहित सेयर बजार यो सातामा लगातार चार दिन नै बढेर कारोबार भएको छ । आज सेयर बजारमा १४२ कम्पनीको सेयर मूल्य बढेको छ भने १०४ कम्पनीको घटेर कारोबार भएको छ । त्यस्तै ११ वटा कम्पनीको सेयर मूल्य आज स्थिर रहेको छ ।

त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि १.६४ अंकले बढेर ४५९.१७ विन्दुमा पुगेको छ । आज १३ उपसूचकमध्ये ८ वटाको सेयर मुलय बढेको छ भने ५ वटाको घटेरको छ ।

परिसूचकसँगै आज कारोबार रकममा पनि वृद्धि भएको छ । अघिल्लो दिन ५ अर्ब ८२ करोड माथिको कारोबार भएको बजारमा आज भने साढे ६ अर्ब भन्दा बढीको कारोबार भएको छ । आज सेयर बजारमा ३२२ कम्पनीका १ करोड ३६ लाख २० हजार ८३८ कित्ता सेयर ९१ हजार ७०५ पटक खरिद बिक्री हुँदा ६ अर्ब ६९ करोड २९ लाख ७१ हजार ९५ रुपैयाँको कारोबार भएको छ ।  आज सेयर बजारमा ४ कम्पनीको सेयर मूल्यमा सकारात्मक सर्किट लागेर कारोबार भएको छ ।