काठमाडौं । मध्यपूर्वमा पुनः भयानक युद्ध सुरु हुने भएको छ । अमेरिकाले अबको केही घण्टाभित्रैमा इरानमा भिषण आक्रमणको तयारी गरेसँगै मध्यपूर्वको आकाशमा युद्धको कालोबादल मडारिन पुगेको हो ।

अमेरिका र इजरायलले अबको केही घण्टा वा आजै रातिबाट सैनिक आक्रमणको तयारी सुरु गरिसकेको छ । अमेरिकी वायु सेनाको जहाज यतिबेला इरान नजिकै पुगिसकेको छ । उता, इजरायलले पनि इरानमाथि सैनिक आक्रमण सुरु गरिसकेको छ । टाईम्स अफ इजरायलका अनुसार इजरायली सेनाले अमेरिकी सैनिक विकल्पको लागि काम गरिरहेको जनाएको छ । इरानले पनि अमेरिकी आक्रमणको कडा प्रतिवाद तयारी गरिरहेको छ । इरानको रिभोलुसनरी गार्डले अमेरिकालाई कडा र पीडादायी परिणाम भोग्नुपर्ने चेतावनी दिइसकेको छ ।

मध्यपूर्वमा पुनः युद्ध चर्किदा त्यहाँ रहेका करिब १९ लाख नेपालीहरुको सुरक्षा जोखिममा पर्नेछन् । उता, अबको युद्ध मध्यपूर्वका युएई पनि भिषण युद्धको चपेटामा पर्ने देखिएको दुबईले इजरायलको लेजर हतियार र मिसाइल डिफेन्स सिष्टम तैनाथ राख्दै इजरायली सेना समेत उतारिएकोले उक्त देशले नसोचेको गम्भिर परिणाम भोग्ने देखिएको छ ।