काठमाडौं । म्यानचेस्टर युनाइटेडले ओल्ड ट्राफर्डमा नटिङ्घम फरेस्टलाई ३–२ गोलले पराजित गर्दै प्रिमियर लिगमा तेस्रो स्थान सुरक्षित गरेको छ । अब बाँकी रहेको एक खेल गुमाउँदा पनि उसको तेस्रो स्थाना सुरक्षित हुने छ ।

लुक शले खेलको सुरुआतमै गोल गर्दै युनाइटेडलाई अग्रता दिलाए । तर ५३औँ मिनेटमा मोराटोको गोलमार्फत नटिङ्घम फरेस्टले बराबरी ग¥यो । युनाइटेडका लागि मथियुस कुन्हा ५५ औं र म्बेउमोले ७६ औं मिनेटमा गोल गर्दै खेलमा पुनः नियन्त्रण बनाएका थिए । तर मोर्गन गिब्स ह्वाइटले ७८ औं प्रिमियर लिग सिजनको १ हजारौं गोल गर्दै फरेस्टलाई खेलमा फर्काउने प्रयास गरे ।

यो खेलमा ब्रुनो फर्नान्डेसले एकै सिजनमा सर्वाधिक असिस्ट गर्ने कीर्तिमान बराबरी गरेका छन् । फर्नान्डेसले २०२५÷२६ सिजनमा २० असिस्ट पूरा गर्दै केभिन डे ब्रुयने र थिएरी हेनरीले बनाएको कीर्तिमानसँग बराबरी गरे । उनले ७६औँ मिनेटमा ब्रायन म्बेउमोको गोलका लागि पास उपलब्ध गराएका थिए । त्यस पछिको समय दुवै टोलिबाट गोल हुन सकेन र युनाइटेडले विजयी भयो ।  यो जितसँगै युनाइटेडले सिजनको शीर्ष तीनमा स्थान सुरक्षित गरेको छ भने नटिङ्घम फरेस्ट ४३ अंकसहित १६ औँ स्थानमा छ ।