काठमाडौं । जापानी अटोमोबाइल ब्रान्ड निसानले नेपाली बजारमा आफ्नो नयाँ एसयूभी टेकटन सार्वजनिक गरेको छ। नाइमा मोबिलिटी एक्स्पोको अवसर पारेर निसानले टेकटन नेपाली बजारमा लन्च गरेको हो। नयाँ पुस्ताको एसयूभीका रुपमा अघि बढाइएको टेकटनले निसानको नेपाली बजारमा उत्पादन पोर्टफोलियो थप फराकिलो बनाउने अपेक्षा राखिएको छ।

यो गाडीको बजार मूल्य ५१ लाख २९ हजार रुपैयाँ राखिएको छ। टेकटनको डिजाइनलाई आधुनिक तथा बोल्ड एसयूभी स्वरुप दिइएको छ। ठूलो आकारको बडी, नयाँ पुस्ताको डिजाइन ल्याङ्ग्वेज र आधुनिक इन्टेरियरसहितको यो मोडल निसानको एसयूभी सेग्मेन्टमा महत्वपूर्ण उत्पादनका रुपमा आएको हो।

नेपालमा पछिल्लो समय एसयूभी सेग्मेन्टमा ग्राहकको आकर्षण बढ्दै गएको छ। यही बजारलाई लक्षित गर्दै निसानले टेकटन सार्वजनिक गरेको हो।