काठमाडौं । म्यानचेस्टर युनाइटेड र टोटनह्यामले युरोपा लिगको सेमिफाइनलको पहिलो लेगको खेलमा जित निकालेका छन् । गए राति भएको खेलमा दुई प्रिमियर लिग क्लबहरुले जित निकालेका हुन् ।

यो जितसँगै दुवै टोलिले फाइनल प्रवेशको सम्भावना पनि बलियो बनाएका छन् । युनाइटेडले एथ्लेटिक क्लबलाई पहिलो लेगमा ३–० ले हराएको छ । ओल्ड ट्राफोर्डमा हुने सेमिफाइनल दोस्रो लेगका लागि म्यान युनाइटेडले फराकिलो अग्रता बनाएको छ । ३०औं मिनेटमा खेल नाटकीय रुपमा युनाइटेडको पक्षमा मोडियो । जब ह्यारी म्याग्वायरले दायाँपट्टिबाट केही राम्रो कौशल देखाउँदै क्रस गरे र त्यो कासेमिरोले हेड गरेर गोलमा परिणत गरे । त्यसको ७ मिनेटपछि भिएआरको समीक्षा पछि रास्मुस होइलुनमाथि ड्यानी भिभियनले गरेको फउलका लागि युनाइटेडलाई पेनाल्टी दिइयो । कप्तान ब्रुनो फर्नान्डेजले पेनाल्टी सहज रूपमा गोलमा परिणत गरे र अग्रता दोब्बर बन्यो ।

४५ औं मिनेटमा म्यानुएल उगार्टेले दिएको पासमा फर्नान्डेजले अर्को गोल गरेपछि युनाइटेड पहिलो हाफमा ३–० ले अघि बढ्यो । टोटनह्यामले अर्को सेमिफाइनल पहिलो लेगमा बोडो÷ग्लिम्टलाई ३–१ ले पराजित गरेका छ । नर्वेजियन क्लब बोडो÷ग्लिम्टविरुद्धको सेमिफाइनलको पहिलो लेगमा ३–१ को जित हात पार्दै टोटनहम बलियो स्थितिमा पुगेको छ । एन्ज पोस्टेकोग्लुको टोलीले खेल सुरु भएको ३८ सेकेन्डमै खेलमा अग्रता बनायो । रिचार्लिसनको हेडरमा ब्रेन्नन जोनसनले गोल गरे । पेड्रो पोर्रोको लामो पासलाई उत्कृष्ट रूपमा नियन्त्रण लिदै जेम्स म्याडिसनले बललाई कुनामा पु¥याएर अग्रता दोब्बर बनाए ।

क्रिस्टियन रोमेरोलाई फउल गरेपछि डोमिनिक सोलाङ्केले पेनाल्टी गोल गर्दै टोटनहमलाई ३–० को अग्रता दिलाए । ८३ औं मिनेटमा उर्लिक साल्टनेसले गोल गर्दै झिनो आशा दिलाएका छन् । खेलभरमा ग्लिम्टको एक मात्र टार्गेटमा त्यही प्रहार थियो । यसले इंग्लिस युरोपा लिग फाइनलको सम्भावना बलियो देखिएको छ ।