काठमाडौं । एएफसी महिला च्याम्पियन्स लिग छनोटमा सशस्त्र प्रहरी बलको एपीएफ क्लब आफ्नो दोश्रो खेलमा कलेज अफ एसियन स्कलरसँग पराजित भएको छ । एपीएफको यो लगातार दोश्रो हारसँगै प्रतियोगिताको प्रारम्भिक चरणबाटै बाहिरिएको छ ।

उज्वेकिस्तानको क्वार्सीमा गएराति भएको समूह ‘बी’ को दोश्रो खेलमा एपीएफ स्कलरसँग ४–० गोलले पराजित भएको हो । यसअघि पहिलो खेलमा एपीएफ उज्वेकिस्तानको पीएफसी नासाफसँग पराजित भएको थियो ।

अब एपीएफले तेश्रो तथा अन्तिम खेलमा पर्सि आइतवार अल नासरसँग खेल्ने छ । प्रतियोगितामा १९ वटा टोलीलाई पाँच वटा समूहमा विभाजन गरिएको छ । हरेक समूहको शीर्ष स्थानमा रहने टोली अघिल्लो चरणमा पुग्नेछन् ।