काठमाडौं । बुधारबार पनि सेयर बजारमा गिरावट आएको छ । अघिल्लो दिन पनि उच्च अंकको गिरावट आएको बजारमा आज पनि उच्च अंककै गिरावट आएको हो ।

आज नेप्से परिसूचक ४५.३६ अंकले घटेर २५५९.५९ विन्दुमा पुगेको हो । यो अघिल्लो दिनको भन्दा १.७४ प्रतिशतले कम हो । आज सेयर बजारमा २३२ कम्पनीको सेयर मूल्य घटेको छ भने १८ कम्पनीको मात्रै बढेको छ । एउटा कम्पनीको सेयर मूल्य आज स्थिर रहेको छ ।

त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ८.१५ अंकले घटेर ४४६.४७ विन्दुमा पुगेको छ । आज सेयर बजारमा सबै १३ वटै उपसूचकको सेयर मूल्यमा गिरावट आएको छ । परिसूचक घटेपनि आज कारोबार रकममा भने वृद्धि भएको छ । अघिल्लो दिन साढे ४ अर्ब माथिको कारोबार भएको बजारमा आज साढे ५ अर्ब माथिको कारोबार भएको छ । आज सृयर बजारमा ३३५ कम्पनीका १ करोड ३७ लाख ४९ हजार ५०४ कित्ता सेयर ६३ हजार ५०९ पटक खरिद बिक्री हुँदा ५ अर्ब ७६ करोड २७ लाख १ हजार ११० रुपैयाँ बराबरको कारोबार भएको छ ।