काठमाडौं । होटल पार्क ल्यान्डले आइपीओ ल्याउने प्रक्रिया अगाडि बढाएको छ। नेपाल धितोपत्र बोर्डमा आइपीओ ल्याउन अनुमति माग गर्दै होटलले निवेदन दिएको हो।

धितोपत्र बोर्डले अनुमति दिएमा यो होटलले १५ करोड रुपैयाँबराबरको आइपीओ ल्याउनेछ। जसअनुसार होटलले १०० रुपैयाँ अंकित दरका कुल १५ लाख कित्ता साधारण शेयरको सार्वजनिक निष्कासन गर्नेछ।

विगत १८ वर्ष देखि आफ्नो कारोबार संचालन गर्दै आइरहेको चितवनको सौराहमा ३२ कट्ठा क्षेत्रफलमा अवस्थित यस होटल पार्क ल्याण्डमा हाल ३२ कोठाहरु रहेका छन् । यस होटल सौराहा गैडाचोक देखि ३५० मिटरको दुरीमा रहेको छ । छिट्टै नै क्षमता बृद्धि गरी ४४ कट्ठा क्षेत्रफलमा १०५ कोठा बनाइ चार तारे होटलमा परिणत गर्ने लक्ष्य होटलको रहेको छ ।