काठमाडौं । आज चैत २५ गते प्रभु इन्स्योरेन्स कम्पनी लिमिटेड र आत्मनिर्भर लघुवित्त वित्तीय संस्था लिमिटेडको लाभांश सुरक्षित गर्ने अन्तिम दिन रहेको छ ।

प्रभु इन्स्योरेन्सले हाल कायम चुक्ता पूँजीको ८.७ प्रतिशत बोनस शेयर र ०.४५७९ प्रतिशत नगद लाभांश वितरणको प्रस्ताव गरेको छ। यो प्रस्ताव पारितका लागि वैशाख ९ गते काठमाडौंको तीनकुनेस्थित प्रभु कम्प्लेक्समा बिहान ११ बजे तीसौं वार्षिक साधारणसभा बस्दैछ ।

आत्मनिर्भर लघुवित्तले हाल कायम चुक्ता पूँजीको १४.२५ प्रतिशत बोनस शेयर र ०.७५ प्रतिशत नगद लाभांश वितरण गर्ने घोषणा गरेको छ। घोषित लाभांश पारितका लागि वैशाख ७ गते दाङको घोराहीमा बिहान ११ बजे सातौं वार्षिक साधारणसभा बोलाएको छ ।