काठमाडौं । साताको सेयर कारोबार हुने अन्तिम दिन सेयर बजारमा हरियाली देखिएको छ । अघिल्ला चार दिन घटेको बजार साताको अन्तिम दिन १२.९६ अंकले बढेर बन्द भएको हो ।

आजको कारोबार बन्द हुँदा परिसूचक २६८५.५४ विन्दुमा पुगेको छ । आज सेयर बजारमा १८० कम्पनीको सेयर मूल्य बढेको छ भने ८२ कम्पनीको घटेको छ । त्यस्तै आज १३ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि २.४४ अंकले बढेर ४७०.१३ विन्दुमा पुगेको छ । आज सेयर बजारका १३ उपसूचकमध्ये ११ वटाको मूल्य बढेको छ भने २ वटाको घटेको छ ।

सेयर बजार बढेको दिन बजारमा ३ अर्ब ७५ करोड माथिको कारोबार भएको छ । आज सेयर बजारमा ३३७ कम्पनीका ८८ लाख ५१ हजार २१६ कित्ता सेयर ४६ हजार ७५२ पटक खरिद बिक्री हुँदा ३ अर्ब ७५ करोड ९७ लाख २२ हजार ३४० रुपैयाँको कारोबार भएको छ । आज सेयर बजारमा एउटा कम्पनीको सेयर मूल्यमा सकारात्मक सर्किट लागेर कारोबार भएको छ ।