काठमाडौं । उपप्रधानमन्त्री तथा अर्थमन्त्री विष्णु पौडेलले हिजोको कुराबाट त्रसित नभएर व्यवसाय गर्नका लागि आग्रह गरे । आज काठमाडौंमा नाडा अटो सो २०२४ को उद्द्धाटन गदै अर्थमन्त्री पौडेलले यस्तो बताएका हुन् ।

अहिलेको सरकार सबै क्षेत्रमा सुधार गर्न तयार रहेको भन्दै व्यवसायीलाई ढुक्क भएर काम गर्नका लागि उनले अनुरोध गरे । ‘विगतका कुराबाट त्रसित नहुनुहोस् । अहिलेको सरकार व्यवसायीहरुलाई सक्दो सहयोग गर्छ,’ उनले भने । सबै क्षेत्रमा सुधारका लागि सरकारले काम गर्ने भन्दै उनले व्यवसाय मैत्री वातावरणका लागि सरकार तयार रहेको उनले बताए । ‘नेपालको हिसावमा अहिलेको जस्तो स्थिर सरकाकर बन्न सने अवस्था छैन । त्यसैले व्यवसायीका लागि मात्रै होइन सबै क्षेत्रका लागि यो स्थिर सरकार नै हो,’ उनले भने ।

ईभीको लागि पनि सरकारले समय सान्दर्भिक नीति बनाउने उनको भनाइ छ । मौद्रिक नीतिले सबै क्षेत्रलाई समेट्न नसकेको भए त्यसमा सुधार गर्न सरकार तयार रहेको उनले बताए । आयोजना सुरु गरे पछि समयमा नसिकने गरेकाले समस्या रहेको अर्थमन्त्री पौडेलको भनाइ छ । सरकार अहिले गुणस्तरीय र समयमा आयोजना सक्ने तर्फ लागेको पनि उनले बताए ।