काठमाडौं । काठमाडौंको दरबारमार्गमा निर्माण हुन लागेको अन्नपूर्ण स्क्वायर होटलको निर्माण सुरु भएको भएको छ । २५ तलासहितको अन्नपूर्ण स्क्वायर निर्माण प्रारम्भ भएको हो ।

यसअघि होटल अन्नपूर्ण रहेको स्थानमा भाटभटेनी समूह, लिटिल एन्जल्स र अन्नपूर्ण समूहले संयुक्त लगानीमा निमार्ण हुने लागेको हो । सोमबार एक विशेष समारोहका बीच भूमि पूजा सम्पन्न गर्दै कम्पनीका अध्यक्ष मीनबहादुर गुरुङले सुन्दर नेपालको सुन्दरताको प्रतीकका रूपमा निर्माण थालिएको बताए ।

उनी भाटभटेनी सुपरमार्केटका अध्यक्ष पनि हुन् । भारतको आर्किटेक्चर कम्पनीले यसको डिजाइन गरेको र दुई चरणमा काम सम्पन्न गर्ने योजना रहेको बताइएको छ । २०८५ वैशाख १ गतेदेखि होटल सञ्चालनमा ल्याउने लक्ष्य रहेको निर्माण पक्षले लिएको छ ।

अन्नपूर्ण स्क्वायर २५ तलाको हुनेछ । जहाँ होटल ९ लाख स्क्वायर फिट क्षेत्रफलमा रहनेछ भने ४० कोठा अपार्टमेन्ट हुनेछ । भाटभटेनीको एउटा स्टोर पनि त्यहाँ रहनेछ । करिब ६ अर्ब रूपैयाँको लगानीमा निर्माण थालिएको होटलसँगै क्यासिनो पनि सञ्चालनमा आउनेछ ।