काठमाडौं । इन्डियन प्रिमियर लिग (आईपीएल) क्रिकेटमा कोलकाता नाइट राइडर्स र पन्जाब किङ्ग्सको खेल नतिजाविहीन भएको छ । इडेन गार्डेनमा टस जितेर पहिलो ब्याटिङ गरेको पञ्जाबले कोलकातालाई जीतका लागि २०२ रनको लक्ष्य दिएको थियो ।

उसका दुई खेलाडीले अर्धशतक बनाएको खेलमा ४ विकेट नोक्सानीमा दुई सय १ रन बनाएको थियो । जवाफी ब्याटिङ थालेको पञ्जाबले एक ओभरमा ७ रन बनाएको अवस्थामा खेल वर्षाले प्रभावित भयो । खेल हुन नसकेपछि दुवै टोलीले अङ्क बाँडेका छन् । पञ्जाबको ९ खेलमा ११ अङ्क भएको छ । पञ्जाब तालिकाको चौथो स्थानमा छ । समान ९ खेलमा कोलकाताको ७ अङ्क छ । कोलकाता सातौं स्थानमा छ ।

आईपीएल क्रिकेटमा आज दुई वटा खेल हुँदैछन् । आजको पहिलो खेलमा दिउँसो पौने ४ बजे मुम्बई इन्डियन्स र लखनउ सुपर जायन्ट्स तथा दोस्रो खेलमा बेलुका पौने ८ बजे दिल्ली क्यापिटल्स र रोयल च्यालेन्जर्स बेङ्गलुरु (आरसीबी) बीच खेल हुनेछ ।