काठमाडौँ । नेपाल पर्वतारोहण संघ (एनएमए)को अध्यक्षमा फुर गेल्जे शेर्पा विजयी भएका छन् । शेर्पाले अध्यक्षका प्रतिस्पर्धी कुलबहादुर गुरुङलाई पराजित गरेका हुन् । विजयी बन्ने क्रममा शेर्पाले ३४२ मत ल्याए भने गुरुङ २८८ मत ल्याएका छन् । गुरुङलाई सत्ता गठबन्धनमा रहेका कांग्रेस र एमालेनिकट पर्यटन व्यवसायीहरूको समर्थन थियो । त्यस्तै आफुलाई स्वतन्त्र उम्मेदवार दाबी गरेका शेर्पालाई नेकपा माओवादी केन्द्र र राष्ट्रिय स्वतन्त्र पार्टी निकट पर्यटन व्यवसायीहरूले समर्थन गरेका थिए ।

संघका अधिकांस पदमा शेर्पाका प्यालन विजयी भएको छ । वरिष्ठ उपाध्यक्षमा शेर्पा समूहका ईश्वर पौडेलले ३४५ मत ल्याएर विजयी बने । प्रथम उपाध्यक्षमा गुरुङ प्यानलका मिङ्मा ग्याबो शेर्पा भएका छन् । द्वितीय उपाध्यक्षमा बोधराज भण्डारी, महासचिवमा राजेन्द्र लामा र सचिवमा चन्दन थापा विजयी भएका छन् । उनीहरु सबै शेर्पा प्यानलका हुन् ।

यता, कोषाध्यक्षमा भने ङिमा नुर्बु शेर्पा र सुमी लामाको बराबरी ३०२ मत आएकाले गोलाप्रथाबाट दुवैले आधा–आधा कार्याकाल कार्यभार सम्हाल्ने निर्णय भएको छ ।

त्यसैगरी सदस्यमा माधवकुमार धमला, केदार न्यौपाने, थुप्देन शेर्पा, गोकुल थापा, मुलाल गुरुङ, देण्डी शेर्पा, विक्रम कार्की, रिञ्जे शेर्पा, देवेन्द्र डङ्गोल, दिकी शेर्पा र निशा भोटे विजयी भएका छन् ।

कसले कति मत पाए ?

अध्यक्ष
• फुर्वा गेल्जे शेर्पा : ३४२ (विजयी)
• कुलबहादुर गुरुङ : २८८

वरिष्ठ उपाध्यक्ष
• इश्वरी पौडेल : ३४५ (विजयी)
• टिका गुरुङ : २५८

प्रथम उपाध्यक्ष
• मिङ्मा ग्याबो शेर्पा : ३५९ (विजयी)
• काजी शेर्पा : २५६

द्धितीय उपाध्यक्ष
• बोधराज भण्डारी : ३६८ (विजयी)
• धनबहादुर गुरुङ : २३८

महासचिव
• राजेन्द्रबहादुर लामा : ३१८ (विजयी)
• विमल नहर्की : २०९
• शिव सापकोटा : ६८

सचिव
• चन्दन थापा : ३५८ (विजयी)
• ङिमा दिकी शेर्पा : २४४

कोषाध्यक्ष
• ङिमा नुर्बु शेर्पा : ३०४
• सुमी लामा : ३०४
(बराबरी भएपछि सहमतिअनुसार आधा–आधा कार्यकाल गोलाप्रथाबाट गर्ने निर्णय भएको)

सदस्य (विजयी)
• माधवकुमार धमला : २७८
• केदार न्यौपाने : ३०२
• थुप्देन शेर्पा : ३२६
• गोकुल थापा : २८८
• मुलाल गुरुङ : ३५१
• देण्डी शेर्पा : ३११
• विक्रम कार्की : ३०६
• रिञ्जे शेर्पा : ३०१
• देवेन्द्र डंगोल : २९५
• दिकी शेर्पा : २८८
• निशा भोटे : ३०७