काठमाडौं । साताको सेयर कारोबार हुने तेस्रो दिन मंगलबार सेयर बजार सामान्य सुधार आएको छ । मंगलबार सेयर बजार ३.२१ अंकले बढेर २५६५.१६ विन्दुमा पुगेको हो ।

आज सेयर बजारमा १४२ कम्पनीको सेयर मूल्य बढेको छ । त्यस्तै १०२ कम्पनीको सेयर मूल्य घटेको छ । त्यस्तै आज १० कम्पनीको सेयर मूल्य स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ इन्डेक्स भने ०.१९ अंकले घटेर ४४४.३७ विन्दुमा पुगेको छ । आज सेयर बजारमा १३ उपसूचकमध्ये ७ वटाको सेयर मूल्य बढेको छ भने ६ वटाको घटेको छ ।

परिसूचक बढे पनि कारोबार रकम भने साढे ३ अर्बभन्दा माथिको कारोबार भएको छ । आज सेयर बजारमा ३२७ कम्पनीका ७९ लाख ४७ हजार ५८ कित्ता सेयर ५५ हजार ६३२ पटक खरिद बिक्री गर्दा ३ अर्ब ६२ करोड ६१ लाख ७५ हजार ११० रुपैयाँको कारोबार भएको छ । आज सेयर बजारमा ५ कम्पनीको सेयर मूल्यमा सकारात्मक सर्किट लागेको छ ।