काठमाडौं । नेपाल प्रिमियर लिग (एनपीएल) को दोस्रो संस्करण अन्तर्गत आज एउटा मात्रै खेल हुँदैछ । आजको खेलमा सुदूरपश्चिम रोयल्स र पोखरा एभेन्जर्सबीच प्रतिस्पर्धा हुने छ ।

खेल अपरान्ह ४ बजेदेखि शुरू हुनेछ । विराटनगर किङ्ससँग हारेको पोखरा पहिलो जितको खोजीमा छ भने काठमाडौंविरुद्ध जित निकालेको सुदूरपश्चिम दोस्रो जित निकाल्ने रणनीतिमा छ । सुदूरपश्चिम पहिलो संस्करणको उपविजेता टोली हो भने पहिलो संस्करणमा पोखराले राम्रो प्रदर्शन गर्न सकेन ।

पोखराले दोस्रो संस्करणको पहिलो खेलमा एनपीएलकै सर्वाधिक उच्च २२१ रनको लक्ष्य पक्ष्याएकोमा ५३ रनको फराकिलो अन्तरले हार बेहोर्न पुग्यो । यता काठमाडौंसँगको पहिलो खेलमा हारको नजिक नजिक जस्तै पुगेको सुदूरपश्चिमले भने पुनरागमन गर्दै २९ रनले जित निकाल्न सफल भएको थियो। गत वर्ष सुदूरपश्चिमले पोखरा विरुद्ध ५ रनले जित हाँसिल गरेको थियो ।