काठमाडौं । नेपालका एक मात्र डलर अर्बपति विनोद चौधरीको सम्पत्तिमा २ अर्ब डलर नाघेको छ । फोर्ब्सका अनुसार सन् २०२६ मा उनको सम्पत्ति २ अर्ब १० करोड डलर पुगेको हो । यो २०२५ को भन्दा १० करोड डलर धेरै हो । २०२५ मा चौधरीको सम्पत्ति २ अर्ब डलर थियो ।

फोर्ब्सका अनुसार सन् २०२४ र २०२३ मा १.८ अर्ब डलर, सन् २०२२ मा १.५ अर्ब, २०२१ र २०२० मा १.४ अर्ब, २०२९ मा १.७ अर्ब, २०१८ मा १.५ अर्ब र २०१७ मा उनको सम्पत्ति १.३ अर्ब डलर थियो ।

विनोद चौधरी सीजी कर्प ग्लोबका प्रमुख हुन् । उनका सबैभन्दा धेरै सम्पत्ति नबिल बैंकमा रहेको छ । त्यस्तै, वाइ वाई चाउचाउमा पनि उनको ठूलो लगानी छ । सीजी समूहको स्वामित्व तथा व्यवस्थापनमा १४३ वटा होटलहरु समावेश छन्, जसमा भारतको ताज होटल्ससँगको सहकार्यमा सञ्चालन हुने धेरै लक्जरी होटलहरु पनि रहेका छन् ।