काठमाडौं । सानिमा जिआईसी इन्स्योरेन्स लिमिटेडले लाभांष घोषणा गरेको छ । कम्पनीको  फागुन २९ गते शुक्रबार बसेको सञ्चालक समितिको बैठकले सेयरधनीहरूका लागि वितरण गर्ने लाभांश घोषणा गरेको हो ।

बैठकले गत आर्थिक वर्ष २०८१/०८२ को वितरणयोग्य मुनाफाबाट हाल कायम चुक्ता पूँजी २ अर्ब १५ करोड रुपैयाँको ५ प्रतिशत बोनस सेयर र ०.२६३२ प्रतिशत नगद लाभांश (कर तिर्न) गरी कुल ५.२६३२ लाभांश वितरणको निर्णय गरेको हो ।

प्रस्तावित लाभांश नेपाल बीमा प्राधिकरणबाट स्वीकृत भई कम्पनीको अब हुने वार्षिक साधारणसभाबाट पारित भएपछि सम्बन्धित सेयरधनीहरूमा वितरण गरिने कम्पनी सचिव तथा नायब महाप्रबन्धक सुबोध लाल श्रेष्ठले जानकारी दिएका छन् ।