काठमाडौं । सोमबार सेयर बजार राताम्य भएर बन्द भएको छ । अघिल्लो दिन सामान्य बढेको नेप्से परिसूचक २६.०७ अंकले घटेर २७९८.८३ विन्दुमा पुगेको हो । यो अघिल्लो दिनको भन्दा ०.९२ प्रतिशतले कम हो ।

आज सेयर बजारमा २११ कम्पनीको सेयर मूल्य घटेको छ भने ४८ कम्पनीको मात्रै सेयर मूल्य बढेको छ । आज ४ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि ६.३८ अंकले घटेर ४८०.४१ विन्दुमा पुगेको छ । आज १३ उपसूचकमध्ये १२ वटाको सेयर मूल्य घटेको छ भने एउटाको सेयर मूल्य बढेको छ ।

परिसूचकसँगै आज कारोबार रकम पनि घटेको छ । आज सेयर बजारमा ३४५ कम्पनीका ३ करोड ७ लाख ९० हजार २११ कित्ता सेयर १ लाख २ हजार ७५९ पटक खरिद बिक्री हुँदा ११ अर्ब ९७ लाख ४६ हजार ९६ हजार ८८ रुपैयाँको कारोबार भएको छ ।
बजार घटेको दिन पनि ४ कम्पनीको सेयर मूल्यमा सकारात्मक सर्किट लागेर कारोबार भएको छ ।